Lurraldeko Hauteskunde Batzordeak irrati iragarki bat erretirarazi dio Gasteizko Udalari, iragarkiak «elektoralista» dela ebatzita. Gasteizko autobus geltokia eraikitzeko Javier Maroto alkateak hamalau milioi euro «lortu» dituela dio irrati iragarkiak.
Hauteskunde Batzordearen ustez, iragarki hori «herritarren boto asmoa alderdi politiko jakin batera bideratzeko da». Horregatik, Gasteizko Udala eta PPren hautagaitza iragarki hori erretiratzera behartu ditu eta gisa bereko iragarki instituzional gehiago ez egiteko exijitu die, hauteskunde delitua egin lezaketelako.
PSE-EEk jarri zuen salaketa, eta alderdi horrek eman du erabakiaren berri.
Espainiako Gorteetarako hauteskundeak
Gasteizko Udala iragarki bat erretiratzera behartu dute
Iruzkinak
Ez dago iruzkinik
Ordenatu
