Gauez aritu dira Donostiako metroan lanean
DONOSTIA. Amara Zaharra auzoko bizilagunek adierazi dute metroaren obrak ez dituztela gelditu gauez, obrek gauean eragiten duten zarataren kontra erakundeek neurriak hartuko dituztela jakinarazi arren. Bizilagunek jakinarazi dute astelehenean 23:00ak arte aritu zirela lanean, eta atzo 7:45ean hasi zirela —22:00etatik 08:00ra artekoa da gaueko tartea—. Gainera, esan dute udaltzainek adierazi zietela ez dutela jaso lanen inguruko «agindu ofizialik» udalaren partetik, eta ezin zutela ezer egin. Eneko Goia Donostiako alkateak astelehenean azaldu zuen ETS Euskal Trenbide Sareak gauez lanak etetea erabaki zuela.
Iruzkinak
Ez dago iruzkinik
Ordenatu