Zazpi lagun atxilotu zituen atzo Ertzaintzak Bilbon, Global Forum Spain bilkuraren harira izandako liskarretan. Eusko Jaurlaritzako Segurtasun Sailak jakinarazi duenez, gaua polizia etxean igaro dute, agintearen aurkako atentatua eta desordena publikoak eragitea egotzita, eta gaur goizean igaroko dira epailearen aurretik.
Beste lagun bat ere inputatu dute, eta hura ere gaur joango da deklaratzera. Horrez gain, Ertzaintzak 50 bat lagun identifikatu zituen.
