Zerbait aldatu zen Euskal Herrian. Ordura arte baino askoz mobilizazio jendetsuagoak egin ziren ETAren kontra. Ermuko zinegotzia bahitu osteko 48 orduetan jende asko atera zen kalera erakunde armatuari atzera egiteko eskatzeko, eta beste horrenbeste gertatu zen ETAk hil zuela jakin ostean.
Bi egun horietako tentsioa, baina, ezker abertzalearen kontra egiteko baliatu zuten batzuek. Kalean ezker abertzalearen kontra egin zuten hainbatek, eta instituzioetan ere izan zen erreakziorik: Ajuria Eneko itunak HB baztertzeari ekin zion.
