Espainiako Gobernuari Garoñako zentral nuklearra itxi dezan eskatzeko mobilizazioek jarraitu egingo dute gaur, Fukushiman istripua gertatu zenetik urtea beteko denean. Zentralaren aurrean bertan elkarretaratzea egingo dute 12:00etatik aurrera. Handik 45 kilometrora, Gasteizen, kontzentrazioa egingo dute udaletxe aurrean, 12:30ean, Araba Garoñarik Gabe plataformak deituta; hilaren 24an beste ekitaldi bat egingo dute.
Era berean, Baionan giza katea egingo dute gaur zentralaren itxiera eskatzeko. 11:30ean izango da, Paul-Bert plazan. Azken egunotan energia nuklearrari eta Fukushimako istripuari buruzko hitzaldiak egin dituzte Ipar Euskal Herriko hainbat herritan, Bizi mugimenduak antolatuta.
Gaur Gasteizen, Baionan eta Garoñan eskatuko dute itxiera
Iruzkinak
Ez dago iruzkinik
Ordenatu
