Pirinio Atlantikoetako prefetak ostiralean eman zuen Mauleko hiltegia berriro zabaltzeko baimena, martxoaren 29an hura ixtea erabaki eta gero. L214 elkarteak bideo batean erakutsi zuen abereei nolako tratua eman dieten hiltegian, eta salaketa jarri zuen Paueko auzitegian.
Prefetak uste du funtzionamenduan "hobekuntzak" egin direla harrezkero: "Biztanleriaren Babeserako Departamentuko zuzendaritzak ikuskatu ondoren, frogatu da errespetatzen direla animaliak babesteko baldintzak".
Ostiralean jakinarazi zieten prefetaren erabakia hiltegiaren arduradunei.
