Lapurdiko, Nafarroa Behereko eta Zuberoako gay eta lesbianek ezkontzeko eskubidea badute jadanik. Hori ahalbidetzen duen legea gaur bertan argitaratu du aldizkari ofizialean Françoise Hollande Frantziako presidenteak. Legeak atzo jaso zuen Frantziako Kontseilu Konstituzionalaren babesa. Apirilaren 23an onartu zuten araua Frantziako Asanblea Nazionalean.
Legea indarrean, ezkontzak egiteko modua aurki jartzea espero dute. Dominique Bertinotti Familia ministroak ekain erdialderako jarri du epea, baina udal batzuetan hasi dira arauak egokitzen, ekain hasierarako ezkontzak egiten haste aldera.
Eskuinak, bitartean, protestan jarraitzeko asmoa du. Legea onartzeko bidean protesta asko egin dituzte aldekoek eta aurkakoek, eta eraso homofobo batzuk ere gertatu dira. Hilaren 26rako, datorren asteko iganderako, antolatu dute hurrengo protesta gay eta lesbianen ezkontzaren aurkakoek.
