Datorren astean estreinatuko du Jon Maia bertsolariak Gazta zati bat izeneko dokumentala. Donostiako Giza Eskubideen Zinemaldian egingo du. Trailerra jaso du BERRIA.INFOk, eta ikusgai dago webgunean.
Trailerrean, besteak beste, Angel Oiarbide Nazioen Mundua elkarteko kidea mintzatzen da autodeterminazio eskubideaz: "Ez gara politikaz ari, eskubide batetaz baizik". Rufi Etxeberria, Juan Jose Ibarretxe eta Brian Currin ere agertzen dira bideoan.
Adierazpenez gain, autodeterminazio eskubidearen alde Gipuzkoako Goierri eskualdean egin diren zenbait ekimenetako irudiak ere ikus daitezke.
