Gazte 1 + ez! plataforma sortu dute, gazteen egoera gizarteratzeko

Gazte mugimenduaren aurkako polizia operazioetan atxilotutako gazteek Gazte 1 + ez! (gazte bat gehiago ez) ekimena sortu dute, beren eta espetxean dauden kideen egoera Euskal Herriko instituzio, eragile eta banakoen artean gizarteratzeko eta «herri harresia» eraikitzeko. Operazioetan atxilotutako hainbat gaztek sortu dute plataforma. 2007an Auzitegi Gorenak Jarrai, Haika eta Segi «erakunde terrorista» izendatu zituenetik gazte mu-gimenduaren aurkako jazarpena areagotu egin dela salatu dute. Nabarmendu dute 2009az geroztik ehun gazte atxilotu dituztela eta horietatik 64k gutxienez salatu dituztela torturak.