28 urteko gazte bat atxilotu zuen Ertzaintzak atzo, amari eraso fisikoak eta mehatxuak egitea leporatuta. Langraiz Okan (Araba) gertatu zen istilua, 14:30 aldera.
Ertzaintzak abisua jaso zuen, etxe batean etxeko bortizkeria kasu bat zegoelakoan. Herrizaingo Sailaren arabera, agenteak hara joan zirenean, emakumea eta alaba adingabea aurkitu zituzten etxean, eta amak Poliziari kontatu zion semeak jo eta hiltzeko mehatxua egin ziola.
Ustezko erasotzailea ere etxean zegoen, eta bertan atxilotu zuen Ertzaintzak. Datozen orduetan epailearen esku geratuko da.
