Eusko Jaurlaritzako Segurtasun Sailak jakinarazi duenez, 27 urteko gizonezko bat atxilotu du Ertzaintzak goizaldean. 03:40 aldera, poliziek, Irun erdigunetik zihoazela, emakume baten oihuak entzun dituzte leiho batetik.
Etxera joan dira ertzainak, eta gizon-emakumeak zeuden bertan. Andreak poliziei esan die eztabaidan aritu direla eta gizonezkoak jo egin duela.
Kopetan kolpe bat zuen andreak, eta gizonak, berriz, atzamarkadak lepoan eta bularrean. Atxilo eraman dute gizona, genero indarkeria egotzita. Emakumea, berriz, erietxera eraman dute.
