Labanaz egindako eraso batek eragin zizkion zauriak zirela-eta, 24 urteko gizonezko bat Santiago Gasteizko erietxeko Zainketa Intentsiboetako Unitatean (ZIU) sartu zuten igandean. Ertzaintzak atzo bi lagun atxilotu zituen, Gasteizen bertan, ustezko erasotzaileak izateagatik. 18 urte dituzte biok -I.A. eta M.Y.-, eta aurrekariak dauzkate.
Igandean goizeko ordubata eta erdiak aldera izan ziren gertakariak, Gasteizko parte zaharrean. Ertzaintzak dioenez, bi atxilotuek beste gazte harekin borroka egin zuten taberna baten atarian, eta orduan sartu zioten labana.
Gizartea
Gazte bat ZIUn sartu dute, Gasteizen labanaz erasoa jaso ondoren
Iruzkinak
Ez dago iruzkinik
Ordenatu
