Laudion bertan eman dute egitarauaren berri, eta jakinarazi salgai daudela sarrerak jada. 35 euroko prezioan salduko dituzte —30 euro, otsailaren 28a baino lehen hamarreko taldeetan erosiz gero—, eta egun bakoitzeko sarrerak 15 euroko salneurria izango du —18 euro bertan erosiz gero—. Ernai eta Aitzina gazte antolakundeek antolatu dute jaialdia.
#Danbada16 aurkeztu dute https://t.co/xXS6XzGXl1 egitaraua: #EsnaHarrapaGaitzala@Ernaigazte@Aitzinagaztepic.twitter.com/zpiQXmKRPp
— Berria.eus (@berria) February 18, 2016
Musika eskaintzari dagokionez, bi gune nagusi prestatuko dituzte. Besteak beste, Esne Beltza, Gatibu, Sorkun, Arkada Social, Juantxo Skalariak, Ken Zazpi, Gose, Belako, Las Tea's Party eta Xutik izango dira bertan.
Hitzaldietan, hainbat gai izango dituzte hizketagai; horien artean, burujabetza, autogestioa, Euskal Estatuaren eraikuntza, amnistia, Ipar Euskal Herriko errealitate instituzionala eta internazionalismoa. Horretarako, hainbat lagun gonbidatu dituzte: CUPeko Anna Gabriel, Eskoziako hautagai Cat Boyd, EHUko irakasle Jule Goikoetxea eta abar. Tailer ugari ere antolatu dituzte, gainera: zirkoa, josten ikasteko saioa, xamurtasun tailerra, serigrafia eta txantiloiak egiten ikastekoak eta "ideiatik formara" sorkuntza prozesua, esaterako.
