Barakaldon gauez leku zehatz batzuetan elkartzen diren "gazte magrebtarrak" identifikatzeko agindu du Ertzaintzak barne txosten batean, gaur El Correo kazetak argitaratu duenez. Lapurreten kontrako plan baten parte da txostena, eta bertan agindu dute identifika ditzatela lapurretak egitearen susmagarri izan daitezkeenak: "toxikomanoak", "ijitoak", "arabiarrak" eta "zuriak" aipatzen dituzte txostenean.
Hedabide horren arabera, Jaurlaritzak azaldu du prozedura horri beste ertzain etxe batzuetan ere jarraitzen diotela, eta aitortu du agiriaren "hizkera" ez dela zuzena.
