Ekintza horren bidez, salatu nahi izan dute Auzitegi Nazionalak zazpi gazteri ezarritako seina urteko espetxe zigorra. "Konpromiso handi eta txikiak daude injustiziak salatzeko. Gurea, ekimen desobediente hau burutzea izan da. Bihar ere mota guztietako konpromisoak hartzeko aukera egongo da". Hori horrela, biharko mobilizazioan parte hartzera deitu dute.
Gazte zigortuen alde, San Migel elizako dorretik zintzilik http://t.co/nrmzzpHGU5pic.twitter.com/WRT0GRSzWK
— Berria.eus (@berria) May 16, 2015Auzitegi Nazionalak seina urteko espetxe zigorra ezarri zien joan den astean Xabat Moran, Ainhoa Villaverde, Bergoi Madernaz, Marina Sagastizabal, Aiala Zaldibar, Ibon Esteban eta Igarki Roblesi. Lehen laurak atxilotu egin zituen Ertzaintzak joan den astean; beste hirurak, berriz, gordeta daude.
Horiek babesteko, ostegunetik iganderako egitaraua prestatu dute Gasteizen. Bertan, manifestaziora deitu dute bihar eguerdirako, eta bertara joateko deia egin zuen atzo Gasteizko Harresia plataformak. BERRIAra igorritako bideo batean jakinarazi zutenez, "herri harresian" parte hartzeko prest azaldu ziren gordeta dauden hiru gazteak.
[Youtube]https://youtu.be/iOwwtRTtuoY[/Youtube]
