Altsasuko auziko lehen atxiloketak izan zirenetik hogei hilabetera, Iruñeko Gazteluko plaza bete egin da beste behin auzipetuekiko elkartasunez, sanferminetako azken egunean. "Orain urtebete toki honetan bertan, eman zeniguten babesa eskertu genizuen eta bizi dugun bidegabekeriaren berri emateko emateko eskatu genizuen" gogorarazi dute gurasoek, elkarretaratzean irakurri duten adierazpenean. Egindako eskariari erantzun "ikaragarria" eman izana eskertu dute.
Hala ere, oraindik gizartearen babesa behar dutela nabarmendu dute. "Oraindik behar zaituztegu. Jarraitu gaiari buruz hitz egiten, salatzen hemendik kilometro askotara bizi direnei berri ematen, hedabide boteretsuen kontakizun bakarrak egia ezagutzea eragozten dietenei".
Altsasukoak Aske plataformak nabarmendu du Oihan Arnanzek, Adur Ramirezek eta Jokin Unamunok 608 egun daramatzatela espetxeratuta, eta hilabete bat baino gehiago egin dutela kartzelan Iñaki Abadek, Aratz Urrizolak, Jon Ander Cobek eta Julen Goikoetxeak bigarren aldiz atxilotu zituztenetik. "Hogei hilabete hauetan argi gelditu da muntaia politiko, juridiko mediatiko eta polizial baten aurrean gaudela, herri oso bat kriminalizatzeko eta zilegi diren aldarrikapenak isilarazteko helburuarekin".
Plataformak ohartarazi du epaibideak zabalik jarraitzen duela oraindik, Auzitegi Nazionalak ezarri zien zigorrari aurkeztutako helegiteekin. Adierazi dutenez, orain arteko konpromisoari eutsiko diote eta mobilizatzen jarraituko dute espetxeratuak "etxera ekarri arte".
Bel Pozueta: "Egun on #Iruñea, egun on Estatuko eta munduko toki desberdinetatik San Ferminak pasatzera eta kasualitatez entzuten gaituzuen guztiei, egun on gure ondoan beti zaudetenei!" #AltsasukoakASKE#Nafarroapic.twitter.com/34Ire9lF4k
— Altsasu gurasoak (@Altsasugurasoak) 2018(e)ko uztailaren 14(a)
Cuando se cumplen 20 meses desde las primeras detenciones hemos vuelto a #Sanfermines2018 para exigir #justicia y la vuelta de nuestros hijos a casa. La desproporción jurídica ya es insostenible.Etxean nahi zaituztegu!ESKERRIK ASKO bihotzez! #AltsasukoakASKEpic.twitter.com/ZSiGOfqh60
— Altsasu gurasoak (@Altsasugurasoak) 2018(e)ko uztailaren 14(a)
