Barañaingo (Nafarroa) Iñurriak gazte taldeko hainbat kidekgose greba hasi dute, gaztetxea berreskuratzearen alde. Larunbat eguerdian gaztetxea berriro zabaltzeko ekitaldi sinbolikoa antolatu zuten. 200 bat lagunek hartu zuten parte bertan, eta gero festa bat egiteko asmoa zuten herriko plazan. 14:00etan, ordea, Guardia Zibila joan zen, eta handik alde egiteko agindu zien. Baina gazteek uko egin zioten. Azkenean, alkatearekin biltzeko konpromisoa lortu ostean, festan parte hartzen ari zirenek alde egin zuten.
Atzoko bilera, alabaina, akordiorik gabe amaitu zen. Hori dela eta, Iñurriak taldeko hainbat gaztek gose greba hasi dute. «Lokala doan erabiltzeko eskubidea dugula uste dugu, herriarentzat jarduten dugulako».
Gaztetxea berreskuratzeko eskatuz, gose greban daude Barañaingo hainbat gazte
Iruzkinak
Ez dago iruzkinik
Ordenatu
