Iruñeko Arrotxapeako gaztetxetik hasi eta hiriko udaletxeraino, manifestazioa egin zuten, atzo, ehunka lagunek Autogestioa hedatuz gaztetxeak defendatu lelopean. Manifestariek autogestio eredua defendatu dute eta gaztetxeek "hamaika proiektu" abiarazi dituztela nabarmendu.
Horrez gain, babesa agertu diete Arrotxapeako gaztetxeko hiru kide auzipetuei. Datorren asteazkenean ekingo diote berriz hiru gazteen kontrako epaiketari. 40.000 euro eskatzen dizkiete eraikina okupatzeagatik. Konpentsazio Batzordeak jarri zuen salaketa. Gaztetxearen etorkizuna arriskuan da, ohartarazi dutenez.
Iruñeko Maravillas gaztetxea husteko saiakera gatzetsi dute, bestalde. "Eskuinari" egotzi diote gaztetxearen proiektua eragotzi nahi izatea. Gaztetxeko kideek adierazi dute autogestioan eta elkarlanean oinarritutako eredua hedatzen segiko dutela. Gaineratu dutenez, Nafarroan geroz eta gehiago dira gizarte eredu aldaketa baten alde antolatzen ari direnak. Huste arriskuaren aurrean, eskura dituzten "baliabide guztiekin" erantzungo dutela ziurtatu dute.
Aurrera @rtxgztx eta @maravillasGTX!
— Altsasuko Gaztetxea (@AltsasukoGA) 2018(e)ko urriaren 27(a)
Manifestazio jendetsua gaur Iruñetik barna!
Autogestioa hedatu, gaztetxeak defendatu! pic.twitter.com/UE2qvmrPbi
Manifestazio jendetsua egin dute gazteek Iruñean, gaztetxeen defentsan #gaztetxeakdefendatuzautogestioahedatupic.twitter.com/BJ56xugslv
— Topatu (@topatu_eus) 2018(e)ko urriaren 27(a)
