GELAK GAINEZKA, ETA ESKOLAK PLAZAN

Ikasleak pilatuta dauzkatela salatzeko, eskolak herriko plazan eman zituzten atzo Tafallako (Nafarroa) ikastolako kideek. Eskualdean D eredua ematen duen ikastetxe bakarra da. Gehieneko ratioak gainditu egin dituzte DBH Derrigorrezko Bigarren Hezkuntzako bi mailatan —1. mailan 38 ikasle dituzte gela batean, eta 3. mailan, 33; legeak dio 32 egon litezkeela gehienez—. Iruñeko gobernuak ez du gelarik ireki nahi. Negoziatzen atzo hasi ziren, eta gaur ez dute protesta egingo.