GENERO INDARKERIA SALATU DUTE

Emakumeen aurkako indarkeriaren kontra biribil bat osatu zuten hainbat gizonek atzo Iruñeko Gaztelu plazan. Kandelak inguruan zituztela, azaldu zuten genero berdintasunarekin «gizarte osoak» irabazten duela. «Gizarte osoaren arazo bat da. Halako jokabideak onartzen eta legitimatzen dutenen aurkako jarrera azaldu nahi dugu, argi eta garbi», adierazi zuten. Gainera, arazo horren inguruan gizon moduan duten konpromisoa agerian utzi nahi izan zuten.