Gernika-Lumo Euskal Autonomia Erkidegoko (EAE) hiriburu izateko eskaera egingo du Bizkaiko herri hartako EAJk: Udalak idatzi bat onar dezala nahi du lehendabizi, eta ondoren Eusko Legebiltzarrera bidaliko lukete eskaera.
Herriko EAJren arabera, Gernika-Lumok "Euskadiko hiriburu" izateko baldintzak betetzen ditu, "ituna, batasuna eta bizikidetzaren sinboloak ordezkatzen dituelako. Hiru lurraldeen sentsibilitateak batzen ditu".
Gasteiz da EAEko hiriburua; 1980ko maiatzaren 23an izendatu zuen hala Eusko Legebiltzarrak. Luis Otuzar Gernika-Lumoko EAJko bozeramaile eta 2011ko bozetako alkategaiak adierazi du ez dutela polemikarik bilatzen. "Ulertzen dugu probintzietako hiriburuek euren espazioa behar dutela, eta guk errespetatzen dugu Legebiltzarren erabakia, baina Gernikak izan beharko luke hiriburu".
Legealdi honetan oposizioan dago EAJ Gernika-Lumon. EA dago alkatetzan, eta ezker abertzalearekin gobernu akordioa dauka.
politika
Gernika "Euskadiko hiriburu" izateko ekimena abiatuko du bertako EAJk
Bizkaiko herriak "ituna, batasuna eta bizikidetzaren sinboloak ordezkatzen ditu", jeltzaleen ustez. Udaletxean ekimena aurkeztuko du eta ondoren Eusko Legebiltzarrari eskaera egingo liokete.
Iruzkinak
Ez dago iruzkinik
Ordenatu
