Apirilaren 26an Gernikako Lizeo Antzokian saritu zituzten Egiguren eta Otegi, eta salaketa maiatzaren 20an jarri zuen elkarteak. “Terrorismoa goratzea eta justifikatzea” leporatu diote Gorroñori, eta, horregatik, Espainiako Auzitegi Nazionalaren aurrean deklaratu beharko du.
Dignidad y Justicia taldearen iritziz, udaleko kideek “soberan zekiten Otegi ETAkoa izanagatik zigortua" izan dela, eta hala ere, “saritzea, goraipatzea eta omentzea” erabaki zuten.
Epaileak Ertzaintzari, bi eskari
Santiago Pedraz epaileak Ertzaintzari bi eskari egin dizkio: lehena, saria emateko oinarriak erabaki ziren udaletxeko akordioaren eduki osoa eskuratzea; bigarrena, ekitaldia egin zeneko bideoaren kopia bana eskatzea udalbatzari eta EITBri, azkeneko horrek “Gernikak Egiguren eta Otegi saritu ditu bakeari eginiko ekarpenagatik” bideo bat egin baitzuen.
