Emakume baten gainerako oldartu eta sexu erasoa egiten saiatu zen gizonezko bat atzo goizean, 09:00ak aldera. Bizkaian izan zen, Gernika-Lumon. Iparragirre kaletik zihoan andrazkoa eta gainera bota zaio gizona. Espetxeratzeko agindua eman du epaileak.
Apartaturiko leku batera eraman nahi izan zuen andrea. Sexu ikutuak egin zizkion gizonak, eta arropa ere urratu zion. Emakumearen adiskide batzuk, aurrerago baitzihoazen, oihuak entzun eta laguntzera itzuli ziren.
Erasotzaileari aurre egin zioten, eta eutsi egin zioten, poliziak agertu arte. Ertzainek atxilotu egin zuten, orduan, erasotzailea. 19 urte ditu atxilotuak eta, Ertzaintzaren arabera, beste delitu batzuengatik ere aurrekariak ditu.
