Imanol Landa Getxoko alkatearen etxeko garajeko atean agertu da abenduaren 10az geroztik falta zen Sirenoa. Lemoizko Udaleko arduradunek goizean jakinarazi diote Ertzaintzari irudia agertu dela; Eusko Jaurlaritzako Segurtasun Sailaren ustez, irudia eraman zutenek utzi dute Getxoko alkatearen etxean.
Ertzaintzak irudia aztertu du tokian bertan, eta ondoren ertzain-etxera eraman dute aztertzen jarraitzeko, "modu horretan legez kontrako ekintza horren egileak identifikatzeko zantzuak lortu ahal izateko".
Irudia eraman zutenek Hiria Antolatzeko Plan Orokorrari (HAPO) kritika egin zioten, eta hura salatzeko egin zuten ekintza.
