Gizonezko bat hil da arratsaldean Aulestin (Bizkaia), errepideko istripu batean. 16:45 aldera gertatu da ezbeharra, Ertzaintzak jakinarazi duenez; furgoneta batean zihoan gizona, eta Lea ibaira jausi da, bidetik irtenda.
Ibilgailua iraulita geratu da uretan. Ezbeharra ikusi dute pertsona batzuek, eta ahalegindu dira gidaria onik ateratzen, baina ezin izan dute. Larrialdi zerbitzuak ere joan dira, baina han bertan hil da gizona. 55 urte zeuzkan.
Zer gertatu zen ikertzen ari da Ertzaintza.
