Ibilgailu batek ezbeharra izan du iluntzean Garain (Bizkaia), eta pertsona bat hil da. Ertzaintzako iturriek azaldu dutenez, autoa errepidetik irten da Oiz mendirako bide batean. Suhiltzaileen arabera, hogei metroan behera joan da ibilgailua.
Bi lagun zihoazen barruan, eta suhiltzaileek erreskatatu dituzte. Gidaria hil egin da. Haren alboan zihoana larri eraman dute ospitalera.
