Gidari bat zendu da auto istripuz Beasainen

BEASAIN. Errepide ezbehar larria izan zen atzo arratsaldean N-1 errepidean, Beasainen (Gipuzkoa). Ertzaintzaren arabera, bi autok aurrez aurre jo, eta 79 urteko gizon bat zendu zen. Gasteizerako bidean izan zen ezbeharra. Harekin batera zihoan beste gizon bat erietxera eraman zuten zaurituta; baita beste autoan zihoazen hiru pertsonak, tartean haur bat.