Festa horretan lortutako diruarekin eraikin berria egin nahi dute, orain artekoa txiki gelditu baitzaie. Haur Eskolako (0-3) eta Haur Hezkuntzako ikasleak jasoko lituzke eraikin horrek, eta patio estalia ere izango du. Horretaz gain, orain daukaten eraikina ere egokitu nahi dute.
Festa horretarako logotipoa aurkeztu dute gaur: Giltza daukagu! leloarekin bat datorren sarraila bat. Horretaz gain, Nafarroa Oinezen inguruan urtean zehar antolatuko dituzten ekitaldietarako maskota bat ere aurkeztu dute: Giltzi.
Bestalde, aurten Beran egindako Nafarroa Oinez jaiaren balorazioa ere egin dute, eta oso gustura geratu direla azaldu dute.
Nafarroa Oinez
'Giltza daukagu' leloarekin, Vianan egingo dute 2007ko Nafarroa Oinez
"Eskualdean euskararen atea irekitzeko giltza" daukatela esan nahi dute Vianako ikastolako kideek, datorren urteko urriaren 21ean egingo duten Nafarroa Oinez jaian. "Gure seme-alabek euskaraz ikasteko beharrekoa duten giltza, kalitatezko euskal hezkuntza eskaintzeko giltza, eta azken finean, euskaldun guztiok geurea dugun hizkuntza zabaltzeko giltza".
Iruzkinak
Ez dago iruzkinik
Ordenatu
