Jaurlaritzaren menpe dagoen Eusko Trenbide Sarearekin hitzarmena lotu zuen Gipuzkoako Foru Aldundiak. Haren arabera, Diputazioak egingo zituen AHT egiteko beharrezkoak ziren zenbait moldaketa, eta ondoren ETSk 7,5 milioi ordainduko zizkion. Aurreko legegintzaldian egin zituzten lanok, baina Diputazioak salatu duenez ez du oraindik dirurik jaso. Hori dela eta epaitegietara jotzeko tramiteak hasi ditu Foru Aldundiak.
"Harrigarria bada ere, inolako hitzarmenik sinatu ez zen arren, lanak amaitu ziren, baina Jaurlaritzak ez du oraindik ordaindu, eta ez dirudi ordaintzeko asmorik duenik ere. Aldiz, argudiatzen du ADIFek egin behar duela ordainketa hori", salatu du Aldundiak.
