Sei metro luzeran, lau zabaleran eta hamalau metroko masta. Gipuzkoako Aldundiak dimentsio horiek dituen ikurrina jarriko du apirilaren 26an bere egoitzan, Gurea, ikurrina ekitaldian. Lelo hori bera daraman plaka bat ere jarriko dute.
Larraitz Ugarte bozeramaileak adierazi duenez, ikurrina da "gipuzkoarren gehiengoa batzen duen sinboloa", eta horren harira antolatu dute ekitaldia. Gipuzkoako ahaldun nagusi izandakoak eta alderdi politiko guztiak gonbidatu dituzte ekitaldira.
Auzitegi Gorenak Espainiako bandera jartzeko agindu zion Gipuzkoari. Hilaren 27a baino lehen jartzeko esan zion, eta jarri dute dagoeneko.
