Gipuzkoako Diputazioak aurten jarri nahi du txartel bakarra

DONOSTIA. Garraio Agintaritzaren Partzuergoa sortu du Gipuzkoako Foru Aldundiak. Aldundiaz gain, Eusko Jaurlaritza eta Donostiako, Irungo eta Errenteriako udalak daude bertan, eta etorkizunean beste udal batzuk sartuko dira. Helburua garraio sare bateratu bat sortzea da, eta urte amaieran txartel bateratua abian jartzea, baita ordutegi nahiz tarifak bateratzea ere.