Gipuzkoako Foru Aldundiak eta Baketik zentroak akordioa izenpetu dute eta zentroak aurten 100.000 euroko laguntza jasoko du. Laguntzaren bidez, gatazken konponbide etikoaren ikasketa prozesua bultzatu nahi dute.
Mari Carmen Marin Giza Eskubideen foru diputatuak, eta Jose Mari Arregi Baketik zentroko presidenteak eta Jonan Fernandez zuzendariak izenpetu dute hitzarmena, Donostian.
Marinek esan du bi erakundeek bat egiten dutela "bizikidetza eta bakearen sustapenean". Fernandezek, berriz, adierazi du hasiera batean euren asmoa zentroko ikastaroetatik 2007 bukaerarako mila pertsona pasatzea zela baina dagoeneko 2.500-3.000 lagunek eman dutela izena. Baketikeko zuzendariaren ustez, Aldundiaren laguntzak "egonkortu" egingo du euren egitekoa.
Baketik iaz sortu zuten, urrian, eta Oñatin (Gipuzkoa) dauka egoitza, Arantzazun.
Gipuzkoako Foru Aldundiak eta Baketik-ek hitzarmena egin dute
Diputazioak 100.000 euro emango dizkio aurten "bizikidetza eta bakearen sustapenerako".
Iruzkinak
Ez dago iruzkinik
Ordenatu
