Gipuzkoan babesik gabe diren bertako adingabeen kopurua %33 handitu da

Gipuzkoako Foru Aldundiak, azaro artean, babesik gabe dauden bertako 331 adingaberen berri izan du 2011n. Iaz, urte guztian, 255 salaketa jaso zituen diputazioak. Beraz, babesik gabeko adingabeen kopurua %33 handitu da aurten. 331 horiez gain 2010ean salatu zituzten beste 69 gazteren egoerak ere ebaluatu dituzte. Aldundiaren arabera, arlo horretan lan egiten duten taldeak —osasun arloa, hezkuntza eta Polizia— prestatuago daude. Eta herrietako gizarte zerbitzuak ere hobetu dira; horregatik, errazagoa da babesik ez duten bertako gazteen berri izan eta haiengana iristea. Aldundiak, datuak aztertuta, haurren eta nerabeen babeserako zerbitzuaren diru laguntza %13 handitzea erabaki du 2012an.