Hona hemen, aurrerapen gisa, Carmen Gisasolaren esan batzuk:
- "Ezker abertzalearen apustuan oinarrizkoa falta da: ez du autokritikarik egin oraindik, hutsetik hasi nahi du, eta hori ezin da. Benetan nahi badugu bizikidetza, onartu beharko da egin dena ez dela izan justua".
- "Guk atxikimendua eman diogu Hitzeman programari. Haren oinarrian Langraiz bidea dago, guk eman ditugun pausoak eta gure hausnarketak daude. Presoak gizarteratzeko bidean gakoa autokritika da".
- "Guk bagenekien disidente izatea oso gogorra dela. [...] Borroka armatua alboratu eta borroka politiko hutsa hasi behar zela esaten nuelako egin zizkidaten niri pintaketak".
- "PPren gobernuarekin presoak gizarteratzeko plana itxita dago. Horregatik utzi genituen guk epaileen eskuetan hainbat kontu. Lortutakoa epaileen bidez lortu dugu".
