Igandean izango da Gure Esku Dago dinamikak antolatutako giza katea, eta ekimen horri buruzko informazio zehatza argitaratu dute gaur herrialdeetako Hitzek. Tokian tokiko xehetasunak gogorarazi dituzte, eta parte hartzaile ugari elkarrizketatu.
Araba: Beasain eta Irurtzun artean izango dira arabarrak igandeko katean. Informazio praktiko ugari zabaltzeaz gain, Jon Arribas komunikazio arduraduna elkarrizketatu du Arabako Hitza-k.
Bizkaia: Informazio praktikoa emateaz aparte, Iñaki Zarraoa Getxoko alkate ohi eta dinamikako kidearekin mintzatu da Bizkaiko Hitza.
Gipuzkoa: Iñaki Gomez Gipuzkoako herri batzordeen koordinatzailearekin hitz egin du Gipuzkoako Hitza-k. Halaber, hainbat herri batzordeetako kideren testigantzak bildu ditu.
Iparraldea: Itzan (Nafarroa) izango dira Ipar Euskal Herriko herritarrak giza katean, haiek ere lotuko baitira. Amets Arzallus bertsolaria izango da horietako bat, eta harekin hitz egin du Iparraldeko Hitza-k.
Nafarroa: Giza katearen protagonistetako bat izango da Nafarroa. Bertako Hitza-k Fernando Ambustegi Baztan-Bidasoako batzordearen koordinatzailearekin hitz egin du.
