Hiru horiez gain delitu bera egotzita auzipetuta dago Josu Urrutikoetxea ere, baina ihesean denez, momentuz ez du hura epaitzeko eskatu. Gainerako hirurak Frantzian daude preso, eta Lamelak salaren esku utzi du hartu beharreko neurriez erabakitzea.
ETAko zuzendaritzako kide izan zirela-eta, erakunde armatuak eginiko hainbat atentaturengatik auzipetu ziuen Auzitegi Nazionalak 20015ean. Dignidad y Justiciak eta Luis Portero fundazioak eskatuta hasi zituen auzibideak Espainiako Auzitegi Nazionaleko epaile Pablo Gonzalezek. Urrutikoetxea atxilotzeko nazioarteko agindua igorri zuen orduan Auzitegi Nazionalak.
2004tik aurrerakoak ikertu ditu epaileak, urte horretan jaso baitzuten Espainiako zigor kodean gizateriaren aurkako delitua. Legelariak, baina, ez daude erabat ados. Delitu horrek lotura estua du nazioarteko zuzenbidearekin —Justizia Unibertsala deiturikoarekin, zehazki—. Gobernuak 2004an egin zuen transposizioa ez zela egokia izan salatu dute hainbat magistratuk.
