Ertzaintzak 81 urteko gizonezko bat atzeman zuen herenegun arratsaldean Bilbon, andreari mehatxu egitea eta tratu txarrak ematea egotzita. Emakumeak salatu du mende erdia daramala tratu txarrak jasaten. Hain zuzen ere, ezkonduz geroztik. Eusko Jaurlaritzako Herrizaingo Sailak azaldu du gizonezkoa herenegun atxilotu zutela, arratsaldeko hiruretan. Biktimak laguntzarako telefonoaren bidez eman zion abisua Ertzaintzari.
Beste bi genero indarkeria kasu ere izan dira. Lehena, Bilbon. 41 urteko gizonezko bat atxilotu egin dute bikotekideari eraso egin diolakoan, eta hiltzeko mehatxua egin ziola ere salatu du biktimak.Alaba aurrean zegoen erasoa gertatu zenean. Eusko JaurlaritzakoHerrizaingo Sailaren arabera, emakumeak ubelduak zituen aurpegian zein gorputzean. Beste kasua Santurtzin (Bizkaia) izan da. 26 urteko gizonezko bat preso hartu dute ustez bikotekidearen amari labanaz mehatxu egin diolako.
Gizon bat atxilotu dute, andreari 50 urtez tratu txarrak ematea egotzita
Iruzkinak
Ez dago iruzkinik
Ordenatu
