Gizon bat atxilotu dute, beste bati labanaz eraso diolakoan

GASTEIZ. Afari batean eztabaida izan eta beste gizon bat labanaz zauritzea egotzita, gazte bat atxilotu zuen igandean Gasteizko Udaltzaingoak. Jakinarazi dutenez, abisua jaso zuten goizaldera, etxe batean borrokan ari zirela eta labanak ere bazerabiltzatela esanez. Poliziek odolduta ikusi zituzten bi gizon, eta bat atxilotu zuten, bestea labankatzea egotzita. Bular parean zuen zauria, eta erietxera eraman behar izan zuten.