Gizon bat atxilotu dute Bilbon, emaztea jo egin duelakoan

Atzo gauean Ertzaintzak gizon bat atxilotu zuen Bilbon, emaztea jo egin zuela egotzita. Mehatxuak ere egin zizkion ustez.

Biktimak berak deitu zuen Ertzaintzara eta, Eusko Jaurlaritzako Herrizaingo Sailak jakinarazi duenez, atxilotzen ari zirela gizonezkoak hil egingo zuela esan zion emakumeari.

Emazteak ertzainei azaldutakoaren arabera, ohikoa izan da hamahiru eta hamabost urteko seme-alabek eta berak tratu txarrak jasotzea. Amak esandakoa baieztatu dute gaztetxoek.