39 urte ditu atxilotuak. Eusko Jaurlaritzako Segurtasun Sailak jakinarazi duenez, biktima duela lau hilabete heldu zen Bilbora, haren bikotekidearekin batera. Saltoki batean lan egiten zuen biktimaren bikotekideak, eta ustezko erasotzailea da saltokiaren jabea. Elkarrekin bizi ziren bikotea eta ustezko erasotzailea.
Lau hilabetez, bikotekidea etxetik kanpo zegoela, sexu eraso ugari egin zizkion emakumeari. Labana batekin egiten zion mehatxu, eta hiru aldiz bortxatu du. Erasoak salatuz gero hura eta haren familia hiltzearekin ere mehatxatu zuen gizonak.
Iragan astelehenean gertatu zen azken sexu erasoa, Segurtasun Sailaren arabera. Hurrengo egunean, gertatutakoa salatu zuten Ertzaintzan emakumeak eta haren bikotekideak. Erietxera eraman zuten andrea, bertan arta zezaten. Beste etxebizitza batera eraman zituzten gero. Ustezko erasotzailea hiru ordura topatu zuten, eta atxilo hartu. Gaur goizera arte igaro da epailearen aurretik.
