Foruzaingoak gizon bat atxilotu du Cintruenigon (Nafarroa), bikotekideari aizto batekin eraso egiteagatik. Erasoa jasandako emakumea herriko osasun etxean artatu behar izan dute, erasoaren ondoriozko zauriengatik.
Ez da indarkeria matxistako kasu bakarra. Beste gizon bat atxilotu dute Gasteizen, hiriko parke batean bikotekide ohiari eraso egiteagatik. Erasotzailea 18 urteko mutil bat da, eta neskari eraso egin eta gutxira atxilotu du Poliziak.
