Poliziak haur pornografiarekin lotutako mila artxibo baino gehiago aurkitu ditu 42 urteko gizonezko horren etxean, Corellan (Nafarroa). Polizia iturrien arabera, AEBetako gobernuz kanpoko erakunde batek aurkeztu du salaketa, eta hark emandako informaziotik tiraka abiatu duten Pertseo operazioa.
Atxilotuak onartu du sarean adingabea balitz bezala jartzen zela harremanetan atzerriko adingabe batzuekin, eta argazkiak eta bideoak eskatzen zizkiela. Gero, beste erabiltzaile batzuekin partekatzen zituen. Atxikitako materialen artean "haurrei egindako abusuen irudiak" ere badaude.
Poliziak beste pertsona bat ere identifikatu du haur pornografia zabaltzeagatik, eta biktimak identifikatzeko lanetan ari da. Ikerketa zabalik dago oraintxe.
