Atzo iluntzean atxilotu zuen Ertzaintzak bere etxean suzko armekin babestu zen gizon bat, Donostian. Aurretik, 36 urteko gizonak aita jo zuen, eta ama mehatxatu, eta haiek eman zioten abisua Ertzaintzari arratsaldeko seiak aldera. Gurasoek etxetik irtetea lortu zuten, baina semea han geratu zen.
Gertakari horren ondorioz, Ertzaintzaren hainbat unitate mobilizatu ziren, eta inguruko etxebizitzetako bizilagun batzuk etxetik aterarazi behar izan zituzten. Azkenean, 23:00 aldera irten zen gizona etxebizitzatik, eta, aldean armarik ez zeramala baieztatu ostean, atxilotu egin zuten.
Jarraian, Donostiako ospitalera eraman zuten, haren egoera psikologikoa aztertzeko.
