Gizona hondurastarra da, baita berarekin ekarri zituen lau emakumeak ere. Espainiako Poliziak jakinarazi duenez, mojaz jantzita zeuden emakumeak, eta ordenan hamar egun eman ondoren ihes egin zuten. Iruzurra eta legez kanpoko immigrazioa leporatzen diote gizonari.
Espainiako Gobernuaren ordezkaritzak jakinarazi duenez, ikerketa 2008an abiatu zuten. Hondurastik zetozen hainbat mojak egun gutxira konbentua utziko zutela jakin zuten; bizitza erlijiosorako prest ez zeudela argudiatu zuten.
Poliziaren arabera, atxilotuak moja ordena horrekin hitzartua zuen ustezko mojak ekarriko zituela, baldin eta horrek Hondurastik ateratzeko ordaintzen laguntzen bazien. Poliziak esan du ez dagoela mota horretako zergarik. Hori argituta, asteartean atxilotu zuten gizona.
