Gizon bat atxilotu dute, emaztea eta 18 hilabeteko semea jotzea egotzita

Gasteizko udaltzainek gizon bat atxilotu zuten atzo emazteari eta 18 hilabeteko haurrari tratu txarrak ematea leporatuta. Biktimak berak deitu zien udaltzainei. Azaldu zienez, ez zen senarrak jotzen zuen lehen aldia. Handik gutxira beste gizon bat atzeman zuten, bikotekideari mehatxu egitea leporatuta. Udaltzainek jakinarazi dutenez, ustezko erasotzaileak ez zuen bere burua identifikatu nahi izan, eta jazarri egin zitzaien. Udaltzain bat zauritu zuen. Bilbon, ustez bikotekide ohiari heriotza mehatxua egiteagatik gizon bat atxilotu zuten. Emakumea etxetik joana zen umeekin. Horrez gain, Gipuzkoako Batzar Nagusiek diputazioari eskatu diote aurkezteko herri akusazio gisa genero indarkeria kasuei buruzko auzietan.