Bart gauean Errenterian (Gipuzkoa) gizon bat atxilotu dute autoarekin hainbat ibilgailu jo ondoren. Lehen datuen arabera, gizonari jarraitzen hasi zaizkio polizi batzuk eta, ihes egin nahian horma bat jo ondoren, irteerarik ez duen kale batean harrapatuta geratu da. Hor, baina, autoa geratu beharrean, udaltzainen autoa eta beste auto batzuk kolpatzen jardun da, udaltzainek eta ertzainek autoa geratzeko ahalegina egiten zuten bitartean. Autoaren leihoak behin eta berriz puskatzen saiatu dira poliziak, baina ez dute lortu. Azkenean gizona bere kabuz atera da eta orduan hainbat polizien artean inguratu eta atxilotu egin dute.
Gizona Donostia Ospitaleko psikiatria eremuan ingresatu dute.
