Ertzaintzak 27 urteko gazte bat atxilotu du gaur goizean Gasteizen emakume bat kalean erasotzeagatik eta sexu erasoa leporatu diote. Erasoa goizeko 05:00etan gertatu da: gizona atzetik joan da emakumearengana eta bizkarretik heldu du, lurrera botaz. Emakumeak garrasi egin du, eta ihes egin du erasotzaileak.
Bizilagun batek erasoa ikusi eta Ertzaintza ohartarazi du. Gizonaren bila aritu ostean, azkenean Landaberde kalean atzeman egin dute, eta emakumeak ezagutu eta erasotzailea bera dela esan dio. Atxilotzen zuten bitartean, gainera, ertzain bat kolpatu duela jakinarazi du Eusko Jauarlaritzaren Herrizaingo Sailak.
