Gizon bat atxilotu dute Gasteizen, emazteari tratu txarrak emateaz akusatuta

Gasteizko udaltzainek 36 urteko gizonezko bat atxilotu dute gaur goizaldean, eta emaztea jo duelakoan. Hain zuzen ere, bikotearen auzokoen salaketa deia jaso eta gero joan dira udaltzainak haien etxera, eta han atxilotu dute.

Zehaztu dutenez, Herrandarren kaleko etxebizitza batean egin dute atxiloketa, goizaldeko 1:30ean. Emakumeak zauriak zituela ikusi ostean, senarra atxilotu egin dute.