Erasoak joan den larunbateko arratsaldeko ordu bata pasatxoan izan ziren, Gasteizko San Martin auzoko etxebizitza batean. Udaltzaingoak astelehen honetan jakitera eman duenez, polizia patruila bat joan zen etxe hartara, eta bi bikotekideen bertsioak entzun eta lesioak ikusi ondoren, 46 urteko gizona atxilotu zuten.
Beste eraso bat
Egun horretan bertan, arratsaldean, 43 urteko beste gizon bat atxilotu zuten, indarkeria matxista dela-eta emandako babes agindua urratzeagatik. Gizon hori Gasteizko Herrandarren kalean aurkitu zuten, hanka batean zauri bat zuela, eta, Ertzaintzari esan zienez, inguruko lonja bateko obretan egin zuen zauri hori. Leku horretan, agenteek emakume bat aurkitu zuten ezkutatuta, eta gizon horrekiko babes agindua zuela egiaztatu zutenean, gizonezkoa atxilotu zuten.
