Gizon bat atxilotu dute genero indarkeria egotzita

GASTEIZ. Udaltzainek 34 urteko gizon bat atxilotu zuten atzo Gasteizen, bikotekideari eraso egin eta hura iraintzeagatik. Emakumeak udaltzainei azaldu zienez, erasoa eztabaida bat izan ondoren gertatu zen. Lekuko batzuek emakumearen hitzak berretsi zituzten, eta, horren ostean, genero indarkeria leporatuta atxilotu zuten gizona.